12 සෙනසුරාදා, පෙ.ව. 11–ප.ව. 12
Register here

පවුල යන අදහස සහ, ශ්‍රී ලාංකීය ඉතිහාසය පුරා එහි පරිණාමය පිළිබඳව අර්මිසා ටීගල් (නීතිඥ), ජයන්ති කුරු-උතුම්පාල (වික්‍රමික හා ක්‍රියාකාරිනි), සහ ව්‍රායි බල්තසාර් (ක්‍රියාකාරිනි) සමග අධ්‍යාපනය සහ මහජන වැඩසටහන් පිළිබඳ සහාය අභිරක්ෂක ප්‍රමෝධා වීරසේකර කථාකරයි.

ව්‍රායි කැලී බල්තසාර් ස්ත්‍රීවාදී පර්යේෂකයෙක් හා ක්‍රියාකාරියෙක් වෙයි. දශකයකට අධික කාලයක් තිස්සේ ඇය සමාජයීය පෙරළි හා ප්‍රජා ගොඩනැගීම් උදෙසාවූ ව්‍යාපෘති සඳහා සිය කාලය පරිත්‍යාගකර ඇත. ඇය ‘ප්‍රගතශීලී ස්ත්‍රී එකමුතුව’ හා ‘අලුත් පියාපත්’ නම් දේශපාලනික වගවීම, විනිවිදභාවය සහ සමාජයීය යුක්තිය වෙනුවෙන් බලපෑම්කරන සංවිධානවල සාමාජිකයෙකි. ඇය සමාජ ලිංගිකත්වය ගැන අවධානය යොමුකරමින් පර්යේෂණ කටයුතුවල යෙදෙන අතර, විවිධ මට්ටමින් දේශපාලන අවකාශයේ ද කටයුතුකරයි. ඇය කොළඹ විශ්වවිද්‍යාලයේ කාන්තා හා සමාජ ලිංගිකත්ව අධ්‍යයන පිළිබඳ ශාස්ත්‍රපති උපාධියක් හදාරයි. ඇය ජීවත්වන්නේ හා වැඩකටයුතු කරන්නේ කොළඹ ය.

අර්මිසා ටීගල් මූලික අයිතිවාසිකම්, පොදු නීතිය, සහ පවුල් නීතිය යන අංශවල වසර 15ක අත්දැකීම් ඇති නීති වෘත්තිකයෙකි. වදහිංසාව, අත්තනෝමතිකව අත්අඩංගුවට ගැනීම, ගෘහස්ත හිංසනය, සහ වෙනස්කොට සැලකීම යන ඒවාට ලක්වූවන් වෙනුවෙන් පෙනීසිටීම ඇගේ කටයුතුවලට අයත් ය. ඇය පෙරදිග හා අප්‍රිකානු අධ්‍යයන පිළිබඳ පාසලෙන් (ලන්ඩන්) නීතිය, සංවර්ධනය හා පාලනය පිළිබඳ ශාස්ත්‍රපති උපාධියක් හදාරා ඇත. මානව හිමිකම් හා සම්බන්ධ ගැටලු පිළිබඳව පර්යේෂණකිරීම ඇතුලත්ව විවිධ මට්ටම්වලින් සංවර්ධන අංශයේ වසර 20කට අධික කාලයක් සේවයකිරීමේ අත්දැකීම් අර්මිසාට ඇත.

ජයන්ති කුරු-උතුම්පාල සමාජ ලිංගිකත්වය සහ ලිංගිකත්වය හා බැඳුණු ප්‍රස්තුත මත ස්වාධීනව කටයුතුකරන ස්ත්‍රීවාදී ක්‍රියාකාරියක් වෙයි. ඇයට සසෙක්ස් විශ්වවිද්‍යාලයෙන් (එක්සත් රාජධානිය) සමාජ ලිංගිකත්ව අධ්‍යයන පිළිබඳ ශාස්ත්‍රපති උපාධියක් ද, කොළඹ විශ්වවිද්‍යාලයෙන් කාන්තා අධ්‍යයන පිළිබඳ පශ්චාත් උපාධි ඩිප්ලෝමාවක් ද ඇත. ඇය 2016දී එවරස්ට් කන්ද තරණය කළ පළමු ශ්‍රී ලාංකිකයා විය. මේ ජයග්‍රහණය වෙනුවෙන් 2016 සිට 2019 දක්වා ඇය ශ්‍රී ලංකාවේ කාන්තා කටයුතු අමාත්‍යංශය විසින් කාන්තා අයිති පිළිබඳ සුහද තානාපති ලෙස පත්කෙරිණි. ස්වාධීන උපදේශකයෙක් ලෙස ඇය මේ වනවිට ‘Delete කරන්න එපා’ නම් ශ්‍රී ලංකාවේ තාක්ෂණය හා සම්බන්ධ ප්‍රචණ්ඩක්‍රියා පිළිබඳව සොයාබලන මාර්ගගත මෙවලමේ සම-නිර්මාණයට දායක වෙයි.