‘කාන්තාව පොදු අවකාශයේ වේදිකාගත කිරීම’
සංවාදයේදී සුජීව කුමාරි
10 නොවැම්බර් 2020
ශ්‍රී ලංකාවේ සිටින කාන්තා නිරූපණ ශිල්පීන් අතළොස්සක් අතර සුජීව කුමාරි ද වේ. ඇයගේ කාර්යය පශ්චාත් යටත් විජිත අනන්‍යතා දේශපාලනයෙන් ආභාෂය ලබා ඇති අතර සිතුවම්, ඡායාරූපකරණය, ඩිජිටල් මාධ්‍ය කොලෙජ් සිට ප්‍රසංග කලාව දක්වා විහිදේ.
මෙම සංවාදයේදී සුජීව කුමාරි ශ්‍රී ලංකාවේ සමකාලීන කලාකාරිනියක් ලෙස තම අත්දැකීම් ගැන පවසන්නේ ඇයගේ මුල්කාලීන වැඩ සහ අභ්‍යාසය ඇසුරෙන්. ඇයගේ කලා කෘතිය වන ‘Living Sculpture’ (2004) තුළ ඇය විසින් සිදු කරන ලද නිශ්චිත තේරීම් පිළිබිඹු කරමින්, ඇයගේ කෘති කාන්තා ශරීරය සහ එහි පිහිටීම (වෛද්‍යකරණයෙන් ඔබ්බට) ගැන සිතීමට උත්සාහ කරන ආකාරය සාකච්ඡා කරනු ඇත.
කුමාරි 1998 දී කැලණිය විශ්වවිද්‍යාලයේ සෞන්දර්ය අධ්‍යයන ආයතනයෙන් BFA සම්පූර්ණ කළ අතර, නෙදර්ලන්තයේ Dutch Art Institute හි MFA සම්පූර්ණ කළාය. ඇය ශ්‍රී ලංකාවේ කොළඹ ජීවත් වන අතර සේවය කරයි.
