108The Song of Ceylon (1934)

Lionel Wendt (1900–1944), Dir. Basil Wright (1907–1987), Prod. John Grierson (1898–1972)

DVD film (38 min)

முதன் முதலில் திரையிடப்பட்டது: சிலோன் தேயிலை சந்தைப்படுத்தல் சபை, கொழும்பு, இலங்கை, 1934

இலங்கை தேயிலை சந்தைப்படுத்தல் சபையால் நிதியுதவியளிக்கப்பட்டு, படத்தின் தயாரிப்பாளரான ஜோன் க்ரியர்சன் தலைமையில் தயாரிக்கப்ட்ட ‘The Song of Ceylon’ பிரிட்டிஷ் ஆவணப்பட இயக்கத்திலிருந்து வெளிவந்த மிக முக்கியமான படங்களில் ஒன்றாகக் கருதப்படுகிறது. க்ரியர்சன் 1926 ஆம் ஆண்டில் ‘ஆவணப்படம்’ என்ற வார்த்தையை உருவாக்கி, சினிமா அவற்றின் கற்பனையான வகைமாதிரிகளுக்குப் பதிலாக ‘அசல்’ நடிகரையும் காட்சியையும் தழுவிக்கொள்ள வேண்டும் என்று வாதிட்டார். நவீன உலகத்தை விவரிக்கும் சினிமாவின் திறன் ஆவணப்படக் கொள்கைகளில் தங்கியிருப்பதாக அவர் நம்பினார். இலங்கையின் தரைத்தோற்றத்தின் அழகு, அமைதி, இங்குள்ள மக்கள் மற்றும் அவர்களின் பழக்கவழக்கங்களை The ‘Song of Ceylon’ புகழ்ந்துரைக்கின்றது. பௌத்த விகாரைகளின் புகைப்படங்களுடன், பறந்து செல்லும் பறவைகளின் காணொளியானது சமாந்தரப்படுத்தப்பட்டுள்ளது. இத்தகைய ஒப்பீடானது அக்காலகட்டத்தைப் பொறுத்தவரையில் ஒரு நவீன முயற்சியாகும். ரொபேர்ட் நொக்ஸின் (1641–1720) ‘An Historical Relation of the Island Ceylon’ (1681) எனும் புத்தகத்திலிருந்து பௌத்த உரைகள் மற்றும் வசனங்கள் இந்த திரைப்படத்தின் கதையில் இடம்பெற்றுள்ளன.  இலங்கையின் முதல் நவீனத்துவக் கூட்டாக பரவலாக அறியப்பட்டதும் 20 ஆம் நூற்றாண்டின் நடுப்பகுதியில் 1943 ஆம் ஆண்டில் நிறுவப்பட்டகலைஞர்களின் குழுவான ’43 குழுவின் ஸ்தாபக உறுப்பினரும் புகைப்படக் கலைஞருமான லயனல் வென்ட் அவர்களால் திரைக்கதையின் பெரும்பாலான பகுதிகளுக்கு குரல் கொடுக்கப்பட்டுள்ளது. வென்ட்டின் குரலைப் படங்களில் பயன்படுத்துவது அந்தக் காலத்தின் மற்றைய ஆவணப்படங்களால் பயன்படுத்தப்பட்ட போதனைமுறையிலான ஆங்கிலக் கதை கூறல் குரல்வழியிலிருந்து வேறுபட்டு நிற்கிறது. வென்ட்டின் சேர்க்கையானது கிரிசனின் அசல் அல்லது அதிக உண்மையான உள்ளடக்கத்திற்கான பேராவாவினைத் திருப்திப்படுத்தியிருக்கும். இருப்பினும், ஆணித்தரமாக இது வெண்ட்டின் வார்த்தைகள் அல்ல, அவரால் அங்கு பேசப்படடனவே தவிர அவை ரொபர்ட் நாக்ஸின் வார்த்தைகள். சிலோனின் 'வேற்றுத்தன்மை'  (Otherness) ஐ இந்த திரைப்படம் எவ்வாறு முன்னிறுத்துகிறது என்பதை, சிலோனின் ஆணின் உடலுக்கு இங்கு கொடுக்கும் முக்கியத்துவத்திலிருந்து காணமுடிகின்றது. அக்காலத்தின் பிரித்தானிய ஊழியர்களைப் பற்றிய ஆவணப்படங்களிலிருந்து முற்றிலும் வேறுபட்ட விதமாக, சிலோனின் ஊழியர்களின் காட்சிப்படுத்தலானது பாலுணர்வைத் தூண்டும் வகையில் அமைந்துள்ளது. இத் திரைப்படம் உடலின் சித்தரிப்பினூடாக தேயிலை தொழிலாளர்கள் பிரித்தானியர்களால் 1904ல் இருந்து துஷ்பிரயோகம் செய்யப்படத்தை ஒப்பிடுகின்றது.

Support Us

Support us to create Sri Lanka’s first publicly accessible museum of modern and contemporary art.

The Museum of Modern and Contemporary Art Sri Lanka invites you to get involved through becoming a member or making a donation to our activities. Join Us

Join Us